يا قطر بقلم ثناء شلش
رحم الله الضحايا .. وألهم ذويهم الصبر والسلوان
ياقطر
ياقطر حن ورق ع الغلبان
ياقطر نفسه ف يوم يعيش بأمان
من الهموم والفقر كان هربان
ورجّعه لبلاده تاني الشوق
…..
عن أهله من كام شهر متغرب
يحلم ليالي القرب دي تقرب
يرجع لأهله من الشقى يهرب
وف وسطهم ينسى الألم ويفوق
……
معرفش إن الغربة دي هتدوم
ف القطر كان الموت عليه بيحوم
هو وكتير زيه ف شقى وهموم
ملهم عشم ولا حتى أدنى حقوق
…….
زعق الوابور وصريخه كان تأبين
وبكا ونواح على الأبريا النايمين
في حضن ليله بيحلموا وهاديين
للموت خطفهم حلم بات مخنوق
ثناء شلش
التعليقات مغلقة.