يا قلبي داري بقلم : سيد جعيتم
يا قلبي داري
دمعة عينيك
الوجد فضحك
وبان عليك
ما كان بأيدك
تسيب حبيبك
ولا يسيبك
بتقول ياقلبي
دا مش نصيبي
ولا نصيبك
لكن يا قلبي
هو حبيبك
هو حبيبي
ايام رضية
ماشية تفرق
بين الحبايب
والحب صاحي
في قلوبنا دافي
عمره ما نام
يا ناس حرام
ليه تحسدونى
وتحسدوها
اه من عينيكم
حرام عليكم
النظرة صابت
قلبي وروحي
وجات في مقتل
ورغم وجعك
عامل بتضحك
يمكن تداري
دمعة عينيك
التعليقات مغلقة.