يا كتف القلب …بقلم عبير عبدالمنعم
وكان دوم الوجع مشاي
ما بين قلبي وبين قلبه
وكان صوت الوجع رغاي
و كنا معاه بنتسامر
ونعمله معانا الشاي..
لعند في يوم ما جا بينا
وبناله بيوت..
وطاح فينا وكسرنا
بكام كلمة كما النبوت..
بنترجى الوجع يرحل
ويتركنا
ونتونس بنسمة ليل
علينا تفوت..
لكن دوم الوجع عاصي
وحالف انه ماهو ناسي
ليالي فيها كان… نعصاه
ويرحل فيها متعكز
على خيبة أمل… وعصاه ..
ليوجع فينا وبزيادة
ماهي شاغله وواخدها…. هواه ..
لكن بالله…
لردك يا الوجع خايب
كما المرات…
وهسقيك الساعات… مُرَّات..
ولو حابب هدوبلك
مرار الصبر في قلب الشاي..
لانك يا الوجع كافر
ولا عمرك تقول ازاي
عزاز الاصل هوجعهم
وواجعهم تملي أزاي ..
ف ارحل منا واتركنا
لحال الفرح ..
لعل الجرح يسكنا …بصوت هادي ..
ولما نقول اهين منه
تكون عادي ..
وجعها حنون
ومش محتاجه لايادي
تطبطب ع الكتاف والقلب
وياه يا الغلب
كفايه وروح
شبعنا جروح..
بنحلم فرحنا يسكن
بدال منك
في قلب الروح..
التعليقات مغلقة.