يا ليل بقلم شيماء عادل
يا ليل بيصب فيا النار
يا جرح يغني عل المزمار
يا صعب الروح يا متكتف
ده حلم العمر يتأسف
علي املي ويندهلي بوار الأرض بيودع
باعلي صوته بيسمع
يقولك امشي يا صبيه
حبيبك عمره ما يرجع
ولو زارك في حلمك يوم
اكيد ف الحلم هيودع
وماسك ف الامل سِنة
بينطر روحه بالحنه
وعاشق للوجع سنوات
مادد ع البساط روحك
وروحك عاشقه للي فات
ده دمع الحزن من بوحك
بيشرب من دموعه سكات
و نهر الصمت بيعافر
فيظهر وجعه بالموجه
وحلم العمر عاش كافر
بيرفض طهره ف التوبه
وانا والعشق كنا اتنين
بنتمادي ف اخطأنا
حلمنا وقلنا متواعدين
لكن كسرتنا ايامنا
ودار القلب مساعتنيش
في وقت اما الرياح هبت
بقت مطره وما بترويش
وصابت عل الجراح طبت
يا روح تايهه مع الدراويش
ده جرحك فيا متثبت
التعليقات مغلقة.