يا مدغدغين في الكلام …
جمال زكي عينر
يا مدغدغين في الكلام
كفاياكوا هرس وطحن
ليه تزودوا في الكلام ؟
ليه تغيروا في اللحن ؟
جايبين في سيرة الناس
طول ليلكوا ونهاركوا
ماشيين ورا الوسواس
بيقل من خيركوا
يا مسرسبين الحكاوي
ومالفين روايات
يا فرحانين في البلاوي
ده الذنب ما بينفات
كتر الكلام عندكم
وف شرعكم غيه
الخبث ليه ف دمكم ؟
صفوا بقى النيه
حتقولوا ايه لربنا ؟
لما حيسالكوا
الحمل صعب تقيل
مين راح يشيل عنكوا ؟
ايه نابكوا غير الذنوب
خفوا بقى شويه
بقلمي الشاعر جمال زكي عينر
التعليقات مغلقة.