يا مصر اعشق ترابك.شعر.حاتم الغيطاني
يامصر أعشق ترابك
وبحب أهلك وناسك
عَلَمك عِلَمك وفاسك
نيلك هرمك تراثك
قُلْ للتاريخ صَوَّرْ
عَلْ الأَصل رُوح دَوَّرْ
كل العالم… يشهد
إن التاريخ أصلك
و إن الهرم هرمك
و إن العزيز أهلك
و إن الكرم كرمك
قُلْ للتاريخ صَوَّر
عَلْ الأَصل رُوح دَوَّرْ
سميرة ومُشَرَّفة
و زويل معاه مصطفى
طه و نجيب والباز
ومصطفى السيد
قُلْ للتاريخ صَوَّرْ
عَلْ الأَصل رُوح دَوَّرْ
علماء وقادة و فنون
زعماء وسادة وعيون
ونبني ونشيَّد
والمصري يتسيَّد
قُلْ للتاريخ صَوَّرْ
عَلْ الأَصل رُوح دَوَّرْ
ونحضر الأخضر
والأرض تزَّهر
و الصحرا تتعمَّر
قُلْ للتاريخ صَوَّرْ
عَلْ الأَصل رُوح دَوَّرْ
التعليقات مغلقة.