يا مصر انتي الروح والعين …بقلم الشاعر رضا ابو شنب
يا مصر انتي الروح والعين
لوغبت عني احب في مين
ازاي اعيش وانا بين الناس
والقلب فيا غريب وحزين
يا مصر انتي الروح والعين
لو احب اغني اغني لمين
وتغيبي عني اروح عل فين
في قلبي انتي ونني العين
وجوه مني وفي الشرايين
يا مصر انتي الروح والعين
انا حبي ليكي يامصر متين
وان خيروني ما بين الاتنين
عشانك انتي اسيب الماس
واحب فيكي النار و الطين
يا مصر انتي الروح والعين
انا عشت فيكي ايام وسنين
وشفت فيكي الناس حلوين
وشفت بحرك بيروي ارضك
و شفت وردك جنب التين
يا مصر انتي الروح والعين
انا شفت شعبك يوم حطين
وشفت فيكي صلاح الدين
وشعب يعشق في الحراس
وناس تحب الناس والدين
يا مصر انتي الروح والعين
لا عمري هزعل وابقي حزين
لو اكلوني يا مصر الطين
لو ولعوني في قلب الدار
و قلبوني عل الجانبين
يا مصر انتي الروح والعين
عشانك انتي بقول يا معين
انصر لي بلدي يارب وعين
ازاي اعيش انا من غيرها
وان قلت اغني اغني لمين
يا مصر انتي الروح والعين
يا مصر انتي الروح والعين
التعليقات مغلقة.