يا نيل…كلمات أبومازن عبدالكافي .
شمس الأصيل قربت
من الأفول يانيل
زعلانة بتودعك
بأحزن المواويل
خايفة في يوم لما تشرق
تلاقيك هزيل وقليل
هالة ضياها الجميلة
متلاقيش مناديل
من صفحتك تتفرد
وتلاعب القناديل
يانيل أنا واللي بحبه
بنعشقك في صفاك
وقلوبنا متحيرة
و مغرمة بهواك
يانيل ياغالي علينا
وحياتنا حلوة معاك
ازاي هنسمح بإنك
تهجر أراضي بهاك
وتنحسر عندهم
ويهون علينا جفاك
أبدا لا يمكن يكون
ولا عمرنا ننساك
و حتى لو هنموت
روحنا هتبقى فداك
كلمات أبومازن عبدالكافي .
عبدالكافي فاروق عبدالكافي بدوي.
التعليقات مغلقة.