يا وجع قلبي …بقلم أسماء محمد
أصعب شئ في الوجود..
انك تبوس جبين ميت عشان تودعه
زلزال يهز القلب ويقطعه
وجع واي وجع !!
العين هتتحمله
يا مفارق الدنيا وماشي عندك حق الدنيا مقاسي
بعادك بيكوي ويوجع والقلب من جوة بيبكي
كنت قول انك هتمشي كنت خدتك جوة حضني كنت شيلتك جوة عيني كنت بوست كفوف ايديك كنت وصيتك ماتمشي
انت شمسي وانت ظلي
فجأة جيت افتح عيوني
التقيتهم بسألوني..
شوفته امتى؟
وقالك ايه ؟!
كان بيشكي ولا ماله
ياريت تقولي حصله أيه
صحيت والصدمة هزتني وجعتني .. قلت أيه؟
مين اللي مات؟!
مين اللي بتحكوا عليه؟
كان معايا.. وضحكنا ياما أبدا.. ماكنش ظاهر عليه
أي تعب ولا أي علامة بانت عليه
يا وجع قلبي ..
طلبت الصبر م الرحمن يصبرني
طلبت الرحمة والغفران
وانا مهموم..
من فراقه اللي كسرني
العمر لحظة..
تقول لمين..
ومين هيسمعها؟
اعمل ليومك..
ومتقولش ده لبكره
يمكن بكره..
تلاقي الكل على الأكتاف حاملينك
وصفي قلبك..
وراعي ربك..
هتروح هناك..
هتلاقي حلوك..
هناك في قبرك..
بركات ورحمة من الرحمن واسمك هيبقي..
ذكري حلوة تعطر المكان أصعب وداع..
لما تودع إنسان..
غالي عليك
كلمات # اسماء محمد
التعليقات مغلقة.