يرد جريح بقلم شيماء عادل
طب مين هيحاسب علي خوفنا
والكل بيجرح ويعلم
طب مين هيفكر في دموعنا
ويحاول وياها يتكلم
يا نعاتب نفسنا ع الايام
ونراجع خطواتنا الجايه
ويا إما نسلم للاحزان
ونعيش ع الذكري الوردية
ايامك مش هي الفرحة
ولا نبض الشوق عاشق ايامه ف لياليا
ولا كانت نسمة مندية
ولا بحر هواه بيرد الروح
ولا عمرك كنت طبيب اوجاع
بيداوي الصبر انه يكمل
طول عمرك كنت طبيب بياع
وقت اما الجرح بيتكلم
وقت اما تحس ان أنا مخنوق
بتلف الطوق
وتشد حبالك ما بترخيش
بتكون جبروت والوقت يفوت
طول عمرك خاين ما بتوفيش
لو امد اديا عشان اسلم
بترد ايديا بشوك دباح
لو عيني بتحلم تتكلم
تترد العين بدموع وجراح
شكرا يا حبال دابت من الشد
حتي الجبروت منك يتهد
سابق سنك
ف القسوة سنين
ولا مرة تلين
أنا مش زعلان ولا ببكي عشان
قلبي أنا موجوع
أنا بس عنيا اطرفت خوف
نزلت منها دموع الحرمان
ولا كنت في مره يا قلبي جبان
بتسد تملي في وش الريح
بس الايام قسمت روحنا
خليتنا نخاف
من زرع ليالي كتير صعبة
واهي صعبة الريح
بتودع عمرنا علي سهوه
وتملي العمر يرد جريح
التعليقات مغلقة.