يسعد صباحك ياسكندرية …بقلم امل محمود عبد الرازق
صباح الخير يا سكندرية
ياعروسة فساتينك مراكب
ياماشية على الشط محنيه
اتمختري ولمي ملايتك
دا الكعب عالي ياصبية
هزي القلوب العطشانه
الله عليكي ف صبحية
ابنك صبابة ولد عاشق
محتاج يعيش بالحنية
قلوب بتعشق خلخالك
دا الرنة ترقص ع المية
البحر بينادي تعالوا
والشمس طالعه ف بنيه
يااسكندرية ياهيامي
ياام السواري المبنية
الحسن مطبوع على خدك
والقلب دايب ياسنية
يامدوبة الكل بعشقك
وواقفة ضد المعادية
مغرم ودايب في هواكي
والنسمة ساعة الفجرية
الذكرى فيكي ملازماني
يا أحلى بنت يابلطية
والله طعم الفول فيكي
ولا طعم غيره يا طعمية
وأكلة سمك بتنادي عليك
موجود ياعينيه
ولا الصلاةفي أبي العباس
دعوة كريمة ومنجيه
ياسكندرية ياعشق الروح
يام الحصون واقفة قوية
أهل الكرم يا سواحليه
التعليقات مغلقة.