يعنى خلاص بقلم منى الشوربجى

يعنى خلاص
جاى تودع جاى تسلم
وتقول يادنيا انااا
مسلم
ماشى يا أختى
هتوحشينى
والله ياغالى يانن عينى
قلبى بيبكى بصرخته
ع الخد نازلة دمعته
فيضان تلال
مالهاش حدود
لمتنا كانت كالجبال
كنت لما باحس حلم
تيجى جنبى تسمعه
واوام اوام تفسره
ولما شفت لك المنام
ماكنت عايزة افسره
لكنك انت خلاص
عرفت
ومفيش فإدنا نغيره
لما رفعت عليك كلامى
وسالت عنك
ازاى عرفت ؟
انى شفت انك مهاجر
جنبك الطير المهاجر
هتروح تسيبنى
وانت عارف
انى من غيرك غريق
وبهمسة منك كنت
ترسم لى الطريق
وبابقى جنبك كنت
انا احسن جرئ
انت عارف ؟
وحشتنى
ووحشنى لما تلفنى
ايدك بكتفى
كنت كتفى اللى اتكسر
كنت قلبى اللى اتعصر
كنت لينا الجدار
لما نتسند عليه
وهو جواه اللى فيه
قوة مجدولة الحبال
مرسومة فيه قمرة وهلال
كنت جاى تقول سلام
خلصت دورى خلاص اوام
مع السلامة
وخلوا بالكوا م اللى باقى
عايزكوا حزمة بالرباط
عيشوا بالحب اللى فات
لموا الصغار
ابنوا من تانى الجدار
سلامى ليكم كلكم
المولى حامى ضهركم
انا ف رحابه خالقى
اطمنوا
هو الواحد الجبار