يفضل فقري قلم سامح لطف الله
مش بيشوفوا ولا هيشوفوا
خط القلب ومال ف كفوفه
طمس العين عن كل حروفه
بتقول نادية؟ بتقول فوفو؟
لما الحب بينقر قلبك
يدخل خلسة ومين هيشوفه
جوة القلب يعيش متربع
دقة بدقة يرص صفوفه
م الشريان بيروح لوريدك
يفتح جرح ينز نزيفه
نفسه يا عالم يفرح مرة
يحضر فرحه تدق دفوفه
يفتح ايد يفردها صوابع
والعراف هيتوه ف كفوفه
مهمن صلى ومهمن صام
مهمن ضحى ف يوم بخروفه
يفضل فقري الحظ معانده
غرقان خجله يا ناس ف كسوفه
التعليقات مغلقة.