يوم الحساب
بقلم حنان الحسيني
ياللي بيتك من إزاز
أوعاك تحدف بالنوى
خلينا بين الناس عزاز
ولو مفيش إبقى الدوا
إعمل حساب يوم الحساب
تلبس كفن ويقولوا غاب
اصل المصير واحد ياهووه
أوي أو ضعيف تحت التراب
فيه اتنين ملايكة هيسألوك
عملت ايه طول دنيتك
شقي او سعيد بيوجهوك
مستني إيه ما دي أخرتك
شوف المصير هنا وبعنيك
القبر نار مقفول عليك
الله يجيرك من العذاب
عملك معاك بينادي ليك
إحسن سؤالك في الحياة
حيكون معاك طوق للنجاة
إرمي الغرور والكبرياء
وإعمل حساب يوم تلتقاه
التعليقات مغلقة.