يوم رحيلك بقلم فهمى محمودحجازى
يوم رحيلك قلبي مات
واندفن بين الضلوع
ومشيت طريق الحزن وحدي
طريق طويل مافهوش رجوع
كنت خايف من يوم رحيلك
وبكيت بحرقه ماهمكيش حتى الدموع
كنت قدام البشر فارس وبين إيديكِ
كنت صامت وف خشوع
كنت لما أشوف بكاكٕ
يبكي قلبي بين الضلوع
وكأن قلبي فيه ليل غطيس
محتاج شموع
والشموع كانت شفايفك
بسمة منها تقيد في قلبي كل الربوع
روحتِ ماشيه وفايته قلبي
بيلتمس منك رجوع
كان ساعتها قلبي في حالة خشوع
وكان بينزف دم لماخلصت مني الدموع
روحتِ ماشيه وانطفت
بعد الرحيل أخر الشموع
التعليقات مغلقة.