” يوم لقا ” بقلم / شيماء عادل
ملناش في كفة الحياة لو يوم لقا
متفرقة خطوة حبيبي مع الزمان
والعمر رافض ينصف الوجع اللي عشش
جوه دقات القلوب
قلبك دا كان ريحة وطن
بتحامي بس بطلته
وان هان عليك قلبي الضعيف
ورضيت تموت لهفته
ف انا بمنعك
اصبر يا قلبي علي اللي راح
وامسك بأيدك طرف خيط
يجمع شرايين اللقا
وان كات جراح الوهم بتزيد الوجع
قلبك جدع
عاشق تحدي الامنيات
اياك تقول ان الحياة وقفت خلاص
وان اللي راح هيجيب جراح
اوعاك تصدق اللي ماتوا محبطين
دول ناس ما عرفوش حبنا
خليك جرئ واحلم وعيش
انسي الوجع
الضم خيوط الأمنيات
بدموع فراقنا اللي انكتب
ارسم علي جبين الحياة
صفين لقا
وامسح دموع الاشتياق
التعليقات مغلقة.