رمضان جاي بقلمي/سولافا بسيوني مصر.

ما تيجوا نعلق
الفوانيس
قبل ما
يتسلسل
إبليس
ونملى بيوتنا
بالزينة
ونستقبل
أحلى عريس
رمضان جاي
شايل فرحة
والخير والبركة
فيه طارحة
وتمره لصيامك
……جارحة
وعرقسوس
متعبي ف
كيس إسود
برغوة ولونه
غطيس.
دا صحن مليان
بقطايف وكنافة
ملفوفة لفايف
لما تدوقها
تقول يا لطيف
وعوامات
طعمها
ع الكيف
مرصوصة
وماليا
السرافيس
التمر هندي
معاه عناب
دا ضروري
في جمعة
الأحباب وإن
حد جه من
غير أسباب
بيفرح ويا
لمتنا وبركة
خيرنا اللي
في بيتنا
ويكون لينا
خير جليس.
خروب وسوبيا
ملو كاسات
والكل ينده
ويقول هات
عنينا متعلقة
بحاجات هتبقى
ذكرى ف يوم
وأنيس وصواني
دايرة ف كل
مكان من وقت
سماع الآذان
لحد ما يئون
الأوان نمسك
عن الزاد والمية
وكل حاجة فيها
أذية أو ذنب
ولا معصية
دا وقت غالي
وتمنه نفيس.
ما تيجوا نعلق
الفوانيس
قبل ماييجي
أحلى عريس.