المواطن مصرى… بقلم محمد طلعت
كلمه هقولها من غير صوت
أنا تعبان من نقص القوت
بس فى بلدى الغلبان بياكله الحوت
قلنا كتير ع التغيير وفى الميدان شوفنا الموت
الورد فتح فى جناين مصر
..اسمع إنت وهو وهص .
إبكى وبس يكون فى سكوت
الناس تعبت والكهربا أغلى من الأكل .والبسكوت
المواطن مصرى ..!
حلم حياته لقمه نظيفه لإبنه وبنته ..يعيش مستور
صحه وعلم ومعامله شريفه .ويخرج بره يلاقى النور
وفى المستشفى يلاقى علاج ولا يصطف فى ألف طابور
حلم حياته بس يا ناس يعيش لعياله والأحزان من قلبه تغور
المواطن مصرى
جوه الحيطه ..قال يتمشى بعيد عن بيته يشوف الأرض ويا الناس
عم السيد ويا صلاح بصوا وقالوا اتفضل حود
هنغديك من الطين إفلاس
قال والله سلام عليكم ..قبل ما تقع الفاس فى الراس
وفى وسط السكه الناس ساكته ..
محدش يضحك مقتول ليهم ألف عزيز
منهم أحمد وكمان فهد ميت برده من الإفلاس
وخالتى نجاة بتبيع الفجل والجرجير ..
وفى أرضها ماسكه الفاس
أخبارك إيه ..!!
ردت قالت إنت يا مصرى عيل خايب .دايما محتاس ومنداس
قلتم ثوره جرينا وراكم ورفعنا بإيدنا العلم وفى ايدنا التانيه القرآن والأنجيل والكراس
قلتم هتغيروا من حالنا شويه ..قلت عليكم نعم الناس والإخلاص
قبل الثوره كنت بكمل أكلى بنوم ..
نص رغيف ومعاهم بصله وفصين ثوم
وكمان راضيين زينا زى كل الناس
واد يا مصرى ….قولى تعالى ..احنا تعبنا من أكل الطين وعلى رقبتنا حطوا مداس
تعرف طيب …!!
هقولك حاجه وتصدقنى …!!!
أختك ليلى ..بايته بتبكى فى ليلة امبارح ومالكها كمان الوسواس
بتقولى بكره هنعمل ايه ..واحنا حياتنا زى الزفت وجايبلنا فاتورة الميه بالاسماث sms
وسئلتها ايه لاسماث(sms) قالت ياما لو مدفعتش هيدوسوا علينا بألف مداس
والله يا مصرى انا عقلى إحتار
وأنا تعبانه طول ل نهار
قاعده أفكر فى اكل ولادى ولا ولادهم ولا الكهربا ولا الميه ..:!!
قاعده بفكر انا مملكش ل حته دهبه ولا بيتى حتى بأساس
ثورة إيه يا مصرى يا ولدى …احنا تعبنا من شيلة الفاس
رايح فين متقولى يا واد
اصبر خدلك حبة فجل او كرات …ينفعوا لولادك ..زى الناس
المواطن مصرى
سلام عليكم وبقولها ياحجه..!!
والله مداسك كان لازم يتشال ع الراس
بس هقولك ايه وانا مااعرف إيه يتقال أو ينعاد وعلى أى اساس
ربك وحده يزيل الغمه ..ونشوف يوم ياست الكل
واللى زيك لازم لازم يتشال مداسه على الراس
وكلمه بقولها من غير صوت
انا تعبان وناقصنى القوت
بقلمى محمد طلعت
المواطن مصرى
التعليقات مغلقة.