آه بعاتبك …بقلم الشاعر /محمود فهمي
ابحت في
سنين الوجع
يمكن القي
الفرح متخبي
بين هموم الوجع
ينكسر ضهري
واطاطي بين
عيدان القصب
ازرع ..
قلبي ال انكسر
يطلع سكر اغمس
بملح وانام
…ما أنا اللي
خير الدنيا
بين كفوفي
.أتغطى ب همومي
وابات جعان.
.آه بعاتبك
..وتصرخ ضحكتي
بين الغيطان
تلم حلمي ال أنكتب
بين عيون الأمهات
بين قلوب
الصبايا والأمنيات
تطلع ضحكة
جدع شايفك جميلة
رغم الوجع رغم المحن
راكبه يا مايا
سنين آهاتي
والسكات
تعدي بيه مركبك.
مش مهم
أغرق أو أموت
بين ضلوعك فارد
قلعوك الطيبة
بعدي فيكي
كل السنين.
وف عز بردي
بحضنك
… آه بعاتبك
…ما انا قلبي
بيعشقك.
انا ال لون
جلدي
من طينك
وسماري
هو لو شمسك
…أنا العاشق
انا همك
اناالحارس
انا الفارس
انا كلك
على بعضك
لما تبقي عايزاني
آه بعاتبك…….
التعليقات مغلقة.