أرهقنا الأمس و لن يعود
بـ قلم أسـمـاء الـبـيـطـار
كتير مننا جزء كبير من يومه بيروح في اللي عدي و فات
و يمكن يمر شريط حياتنا من قدامنا في محطات كتير
من يومنا ، بسبب و من غير سبب ؟!
يمكن يفرحنا باقي اليوم ، و يمكن ينكد علينا
و في الغالب بينكد علينا، و بيروح اليوم في اللي كان، و المفروض
و بتبقى مش انت طول اليوم لا طايق حد يتكلم كلمة ، و لا حتى انت طايق نفسك من كُتر اللوم و العتاب و يمكن تقضيها حزن و بُكي على الناس اللي راحت و بنام و يمكن بكره يبقى زي انهاردة !
صحيح حالة عجيبة بنمر بيها و دا طبيعي لأننا بشر
بس مش المفروض تسيطر علينا و نضيع بيها يومنا اللي المفروض هيبقى ذكرى لبكره فمش معقول هيبقى النهاردة شبه بكره و يضيع عُمرنا بنلف و ندور في دايرة مُفرغة.
و بنرجع نلاقي اليوم خلص في إيه ما نعرفش !
طيب غيرت إيه ؟!
و لا حاجة .
مودك اتعدل ؟
أبداً بقى أسوأ من الأول !
طيب علينا بإيه من دا كله !
للأسف أمس بكل اللي فيه حزن كان و لا فرح راح
و مش هيرجع تاني و مفيش في ادينا غير النهاردة
نعمله ذكرى لبكرة ذكرى طيبة نعيش عليها لأن إحنا حوالينا ناس
مالهمش ذنب إنهم يعيشوا في دُنيتك أو مودك اللي مش عارف تطلع منه .
و هتكبر و هتلاقي نفسك ضيعت كتير من عُمرك و بردوا وقتها مش هيفيد الندم .
أجمل ناس شوفتها اللي عايشة اليوم بيومه .
تكلمها عن إمبارح تقولك خلينا في النهاردة .
عيشوا أيامكم بسلام مع أنفسكم
و اتركوا الأمس فلن يعود
و اليوم لكم
و غداً بيد رب كريم .
التعليقات مغلقة.