يوميات بهلول
الشاعر الثائر الحمايدة
مانا بهلول
لا انا مع دول ولا مع دول
وكل الدنيا دى وطنى
ولا عمرى هكون دلدول
ومش بمدح فناس خايبه
ولا اذم بحاجات عايبه
واجرى ورا اللى يضربنى
واقول والله مانا سايبه
مفيش عندى ولا ازمه
ومالبستش فيوم جزمه
وغاز سكر كمان بنزين
ولا تفرق ملوش لازمه
تحب السيسى اومرسى
وتتخانق عشان كرسى
لكنى ضاربهاميت صرمه
وبس عايزها يوم تمشى
ما اخفشى من ملك ورئيس
وعايش بس عالتهييس
واقول اعور فعين لاعور
وطول عمرى لكلوا ونيس
وادى حالى بتوب مرقوع
وبتكلم بصوت مسموع
وببقى ضيف على كلوا
لكن بالعزه مش بخضوع
#يتبع
التعليقات مغلقة.