ساعدني انساك
بقلم: هناء أمين
ساعدني انساك
عشان اقدر
أعيش في الدنيا وحديَّ
وانا باهواك
بتحتل بهواك فكري
وروحي وكل ما فيَّ
ففك القيد وحررني
بعادك أيوه يكسرني
لكنّ القرب موتني
وعذبني و حيرني
فغيّرني
وخلاني الهوى تاني
ملامحي .. شكلي.. عنواني
مكاني واسمي وجيراني
سعادتي وراحتي وأماني
حاجات جوايا كات ماتت
فأحياها وأحياني
ساعدني انساك
ساعدني انساك عشان عاجزة
عن النسيان انا لوحدي
وانا شايفاك
بينساني الخريف
والمح ربيع العمر بيعدي
قصاد عيني وينده لي
ملامحك حتى تشبه لي
كأنك حد من أهلي
وروحك روحي والأجمل
تماللي بلهفة تشتاق لي
لكني بجد صدقني
لابد انساك
وتقتل في إحساسي
ومشاعر كلها وياك
مادام القرب مش لينا
مافيش سكة لخطاوينا
هنعطش إيه اللي يروينا
غير الحرمان
هنتعب أيوه مش ناكرة
وبينا عهود انا فاكره
لكني بجد مش قادرة
ف ل النسيان..
لموت يرحمني م الدنيا
وم الأحزان.
#
هناء أمين
التعليقات مغلقة.