(دقة وتر)
بقلم /سولافا بسيوني.
دو/ري/مي /فا/
صو/لا/سي
دي نوته للألحان.
بنحس بيها
وبنلمس دقة
وتر لكمان.
مزمار يرقص
خيل دي قدرة
م الرحمن.
والعود وياه
قانون ريحة
وطعم زمان.
طيب وإيه كمان؟!
الناي من حسه
بيدوس
على الأحزان.
بيخلي العين
تدمع والقلب
دقاته تسمع
وتشاركه في
الأشجان.
وأزيد في
القول كمان.
صوت الربابة
خدني وصاحبها
بيدندن داير
بيحكي حكاوي
ويقول كان
يا ما كان.
وجيتار نغماته
عاليه أوتاره
للحن قايله كلمات
الغنوة لينا
تخاطب الوجدان.
وطبلة معاها رق
يدق عليها دق
بيها الايقاع يكتمل
من كل الأركان.
أوركسترا سيمفوني
فيها الألات ألوان.
التعليقات مغلقة.