رحلة رجوع …بقلم حماده عبدالهادى على الدين
بقلوبكم النابضه انتشاء روحى
انا طيف وسافر بالصدى بوحى
بقتل جروحى بفرحة الأحباب
وبداخلى :
مفردات غرقانه ف بحور الشتات
ثم ماذا …..؟!
ثم نبض الدهشه مات ……………!!!
ثم ماذا ……. ؟
ثم بعد صراع كما المعتاد سكات …!!!
…
…
كل قصر ب رملى مبنى ب وشوشات
جميزات ” الكوم ” بقلبى
نبض آت :
أى كلمه تسد جوعك
صمت إلهامك خضوعك
بلسمك بركان دموعك
صدق ينبوعك خشوعك
فوق رمال ” الكوم “صلاه
مبتدى رحلة رجوعك
للحياه ثم ماذا ……؟!
جميزات الكوم سامعها وبيا حسه
هكذا قالت ب همسه :
ثم قلبك لما تاه مرجعش لسه …..!!!
ودع الأحلام فى بصه / الكون جمالك
الحياه بالشر _ فوق _ فوق احتمالك
…….
…….
فين سؤالك عنى يا ابنى
ليه بتبنى قصور فى رملك / ابنى قبرك
بالخشوع فى صلاه وصبرك نور وروضه
انت منى وحاضنه روحك شوق وعوده
….
….
_ أى كلمه تسد جوعك منى شارك
اكتب الاحساس وبارك حرفى منها
_ فى انتظارك يا حبيبتى ف انتظارك
قلبى زارك لما غبتى وقالى صنها
…
…
_ صمت الهامك خضوعك لاستحاله
الحياه بركان قواله مقولتهاش
_ بقتل الاحساس بدمعى ف كل حاله
وأسأل الفرح اللى غايب ليه مجاش
_ بلسمك بركان دموعك وضى جرحك
وترك الموصول بباب الرحمه جنه
_ قلبى لحن الفرحه ف سنينك يقين
شك كل سنينى ف بعادك ما غنى
_صدق ينبوعك خشوعك ف احتوائى
قسوة المسافات بدايه وسجده شوق
_ روحى هايمه ف نور بدايتك وانتهائى
قربى منك تسبيحات للرحله فوق
….
…..
_ مبتدى رحلة رجوعك
فوق رمال ” الكوم ” صلاه
_ الوصول مرهون بشوفك
يا الحبيبه ف نور سماه
.
التعليقات مغلقة.