(ضحكة طالعة)
بقلمي/سولافا بسيوني.
يا ضحكة طالعة
م القلب وطارحه
ع الخدود تفاح.
سيبك من اللي
فات وعدى
أخد معاه
الشر وراح.
ننسى الزعل
ونروق ندي
لنفسنا براح.
إملي تجعيدة
زمن متلتمه
بوشاح.
اترسمي على
وش الحياة.
وامحي بوجودك
أي أه.
أو نبض يوجع
قلب طيب بنلقي
الحنان وياه.
ولا كسره لروح
بريئة متعشمه
فى الله.
خليكي طوق
للنجاة.
كوني له سره
ودواه .
وف طريقه ليه
ملازماه.
تعوضي كل
إللي راح.
تتبدل بيكي
الجراح.
مدي الأمل
لنبض حي
داير م الهموم
سواح.
دوقيه طعم
الهنا والألم
خليه يرتاح.
قولي لشمس
القلب تشرق
وتملى اركانه
بالأفراح.
التعليقات مغلقة.