قلبي الولي..بقلم / عبير عبد المنعم
تسجن دموعك جوه قلبك ليه
وليه بتسقي
زهرة غرامك م الأنين……
شيلاك ضلوعك
لحظة هروبك ضعف..
ارسم ملامحك فوَق
جبين المغرمين…..
أنت الولي عايش ضميرك
بين ظنونك عمر..
فاتح بيبانك للنجوم
العشمانين……
لملم صكوك العشق
وانطق بالعدد..
تلقى الحكاوي مليار
وفوق الاربعين….
أنا في الزحام
شاخص بصر روحي..
الأرض عتمة
والكواكب مداحين…..
داب النسيج
فوق كتاف الأوهام
توب العتب حرام
في شرع المشتاقين……
طالب حياة واقف ومادد حجتي
كل الطابور
من صنف قلب العطشانين….
ضايع في سكة من ظنون
بشرب غرام
ومرامي ساحة من يقين…
عاتبت روحي كتير
وحافظ لهفتي حلم الحيارى
وصول يسر المحرومين….
التعليقات مغلقة.