أنا بحلم …الشاعر محمد شريف
انا بحلم ايوة انا بحلم
عارفه يا روحي بحلم بإيه..
اني في يوم قلبي يسلم…
وانتي تشوفي لمسة ايديه
عايش في واحة جنتك
نسمة هواكى محبتك
عايش في قصر مودتك
وحيطان دلالك اخشها…
واشرح لها عن رقتك
بحلم بحضن ملاك يخدنى يضمني
بحلم بقلب مليان حنان يشدِّني
بحلم بكلمة بحبك حروفها ترجِّني
وتاخدنى ليكى وللهنا
ومن الشتات تلمني
بحلم برمش في ضلتك
انسي همومي برقتك
واتحني من حنيِّتك
يا قلبك المليان حنان
نفسى اكون لك بسمتك
روحي تطيرمن نظرتك
عيني بتعشق ضحكتك
بحلم ببهجة طلعتك
بحلم حياتي تكون معاكي
واصحى بردد طلتك
ويا النسيم فوق السحاب
باشرب حلاوتك قلب داب
واقراكي في حروف الكتاب
واكتب جمالك ملحمة
بتحير الكّتاب
بحلم معاكى وبانتشي
وياكى أي عذاب مشى
درويش ونفسي تدروشى
عراف وتايه في الجمال
لما بعينك ترمشى
بحلم بحضن ايضمني
بحلم بقلب مليان حنان ايشدِّني
بحلم برمش في ضلته انسي همومي
واترمي
آه لو تعرفي بحلم بايه
بحلم بروح
دا الفؤاد مجروح
من الحنان والندي
محروم ومدبوح
آه لو تحني عليه
ومن سواد عينيك
تكحلي عينيه
تمسحي دمعتي
وتضميني
نفسي يا روحي في حاجة كمان
نفسي في قلب مليان حنان
يصب المحبة من بعد الأمان
يخدني كمان
بين رموش العين وف أحلي مكان
ويضمني
لإني بحلم بحضن ايضمني
التعليقات مغلقة.