دقة قلب … الشاعر محمد الشريف
قلبي عملها مرة ودق
قلت يا قلبي ليه بتدق
قلِّي عليَّ حبيبي دق
شفت صورتها قلت هادق
قلت لقلبي فين الصورة
يمكن تطلع زي الغولة
قلي اهدي يا عم عليَّ
هدِّي اشوية أو بالحنية
عاوز اتقلي إنك فرود
ولا ضاربلك قرصين طعمية
وابتتكلم في الحنية
يله يا غالي فين الصورة
قَلِّي شُفْها وبلاش تهذي
لما تشفها يا روحي احكي
لما طلَّع ليا صورتها
زي القمرة الي امضوية
حلوة رقيقة رشيقة شقية
زي بهية ليلة دخلتها
حلوة فرعة نادية صبيَّة
خدت الصورة اقوام خبتها
قلبي اتنرفز ليه شدتها
قلت يا قلبي شفلك غيرها
يله يا واد د خلاص حبيتها
شد الصورة بقوة اوعافيها
رحت شددها اتأطعت منِّي
نص معايه ونص معاه
قلبي عّمّلِّي اقعدة اولمة
يله يافندي العقل هيحكم
بيني اوبينك ملك الحكمة
لما حكينا لسيدنا كبيرنا
قال ورُّوني يله صورتها
لما شفها العقل اتجنن
خطف الصورة وطار من الحتة
من حلاوتها جابتله هوسة
قلبي اتنطط وعملْ دوشة
قلت البت دي خربت بتنا
خَدْت الصُّورة أوام خبيتها
رب الحكمة شفها اتجنن
وقلبي ابيلطم من حلوتها
يله يا واد انخبي صورتها
يله ياواد دي خربت بيتنا
التعليقات مغلقة.