شكراً جزيلاً للحكومة
بـ قلم أسـمـاء الـبـيـطـار
لما كنت مسافرة بره مصر فترة تزيد عن خمسة عشر عام
كل شئ حرفياً كان متغير و يمكن اتكلمت معاكم قبل كده حتى عن نظام الأكل .
لكن النهاردة بقى بمناسبة الجو ده هنتكلم عن نوعية المطر هناك
إيييييه ده هو المطر ليه نوع كمان !!
آه طبعاً مش بقول لكم كل حاجة مختلفة
عندنا هنا في مصر طبعاً كلنا حافظين كلام الجغرافيا عن المناخ الخاص بينا ” حار جاف صيفاً دافئ ممطر شتاءاً ”
و بالنسبة لجو بلدنا حقيقي ما فيش أحسن منه مية ما مر عليه من حر أو مطر حقيقي نعمة نشكر ربنا عليها .
المهم البلد اللي كنت فيها سبحان الله الجو صعب جداً جداً في الصيف حضراتكم مش متخيلين أنا حرفياً أول لما روحت ما كنتش بقدر آخد نفسي .
البلد هناك حركتها شبه مشلولة من الساعة 12 ظهراً حتى 4 عصراً
أما عن الأمطار هناك فكانت أمطار موسمية و منخفضات شديدة جداً جداً كانت بتأتي على الأخضر و اليابس بدون مبالغة .
كانت الطرق بتتكسر و جسور بتتشال ووديان جارفة بشكل مُخيف .
طبعاً أهل البلد كانوا بيبقوا فرحانين جداً جداً فوق ما تتخيلوا و رغم التحذيرات الشديدة من الحكومة لكن كانوا بيخرجوا و بيستمتعوا بالجو ده رغم المخاطر اللي بيتعرضوا ليها و دي كانت أكتر سلبية فيهم في النقطة دي بالذات .
رغم التقدم في كل شئ هناك في شبكات الكهربا و الصرف و الطرق
إلا ان الطبيعة أقوى سبحان الله و تقريباً بيوت بتروح و عربيات و أرواح .
لكن رغم كل الكوارث اللي بتحصل ما كنش حد بيقدر يتكلم لأن حقيقي الحكومة نبهت بدل المرة ألف .
و يمكن اللي من جيلي أو اللي قبلي شافوا أمطار كتير كانت يمكن أكثرها قوة و شدة كانت عام 94 و تكاتف الناس في الشوارع و المناطق كان فوق الممتاز .
زي المنخفض اللي بنمر بيه ده دلوقتي
لكن الحقيقة أول مره تتم خطوة أكثر من رائعة من الحكومة أن تأخذ خطوة إيجابية جداً جداً و تنبه قبل قدوم المنخفض و تعطي اجازات رسمية لجميع المصالح خوفاً طبعاً على الأرواح خاصاً الأولاد في المدارس و تجنبا على الأقل هذه المشكلة يكفي ما حدث سابقاً .
التقدم حقيقي وعي و تحمل مسئولية من هنا أو من هناك .
نتمنى أن نكون على خطى التقدم و لو بدأنا بأبسط الأشياء .
حقيقي الناس كانت مبسوطة من الخطوة دي و تُحسب لهم .
خطوة إيجابية و طاقة إيجابية .
و حقيقي في ناس بتشوف صح و بتقدر و بتتمني كل الخير للبلد دي
التعليقات مغلقة.