السلبية و توابعها ـ
قلم /أسـمـاء الـبـيـطـار
معلش بقى المقال ده هناخد مثال من ناحية الشباب الولاد و يمكن للأسف الشديد بعض البنات كمان و دي حاجة غربية جداً و صعبة على مُجتمعنا الشرقي و اللي في ناس مش قادرة تستوعبها لحد الأن و أنا واحدة منهم على فكرة .
في بداية حياة أي شاب ديماً الأب لو كان مُدخن أو حتى ليس منهم بينصح أولاده إنهم يبتعدوا عن التدخين لإنه عارف آثارها السلبية كويس جداً و طبعاً هو حاسس بالآثار دي طول فترة التدخين .
و بيبقى فعلاً بينصح من قلبه و يمكن يشد و يقسى على أولاده علشان يبعدهم بأي طريقة .
و في منهم اللي بيستجيب .
و في منهم اللي بيشربها وراء الأبواب المُغلقة و مش لازم نفسر .
و ما دُمت وصلت للمرحلة دي يبقى أكيد عارف، و فاهم، و مُتأكد إنك بتعمل حاجة غلط .
و الغلط في حق نفسك أولاً قبل أن يكون الخطأ في حق من وثق فيك .
و أنا عن نفسي كأم ولادي الحمد لله في بداية مرحلة الشباب لكن واجب عليا و فرض إني احذرهم من نتائج التدخين السلبي .
يعني إيه تدخين سلبي ؟
يعني إن حضرتك تقعد جنب إنسان بيدخن فكأنك بتدخن زيه بالظبط
و التدخين ما هو إلا دخان واصل إلى رئتك سواء بالفعل المباشر
أو الفعل السلبي اللي فسرناه .
ندخل بقى في موضوعنا كـ العادة .
لما نقول الدولة أتخذت قرارات أو إجراءت وقائية أو إحترازيه يبقى واجب على الفرد و المجتمع ككل إنه يطبقها بالحرف لإن دا أمن فرد و منه إلى أمن مجتمع ككل .
لأن الأمر لا بالسهل الهين .
و لا بالصعب الممتنع .
لما تمنع التجمعات سواء في الشوارع أو دور العبادة أو المدارس و الدروس يبقى أكيد الأمر مش بسيط .
لو في حاجة ممكن تتأجل يبقى خير و بركة .
و لو مش هنقدر نأجلها يبقى في أضيق الحدود .
لما تقفل مراكز الدروس الخصوصية
يبقى ما نلفش و نروح البيوت ناخد الدروس و دي على فكرة من أخطر النقط اللي ممكن تساعد في حدوث عواقب إحنا في غنى عنها .
لما تبدأ في حظر تجول يبقى لازم نلتزم .
إستوقفني أحد العاملين في أحد المحلات التي أتعامل معها و هو رجل تخطي الستين عام .
و سألني هل ينفع إننا نمنع صلاة الجمعة عن الناس ؟
فردت عليه بتلقائية و دون سابق تفكير :
لو حياة الأم في خطر هنضحي بمن .
فضحك و كأنه فهم المغزى .
و قال لي :
لا دا أنا هاجي أخد درس عندك .
قولت له العفو طبعاً حضرتك فوق راسي بس الأمر مش بسيط لأن الإصابة مباشرة في الإنسان .
و دينا الحنيف دين يُسر و إذا تعلق الأمر بالروح فهي عند الله أغلى
و إن شاء الله فترة و تعدي .
فالحمد لله إقتنع بكلامي و دعى أن يكشف الله عنا ما نحن فيه .
و إن شاء الله يمر الأمر بسلام بتكاتف الجميع
فـ الكل معنى بالأمر و ليست جهه معينه .
و نحن جميعاً بمركب واحد .
و الوقاية فعلاً خيراً من العلاج .
دمتم سالمين من كل شر و أذى .
التعليقات مغلقة.