صلوا في بيوتكم…سيدة القصاص
صلوا في بيوتكم.
صلوا في بيوتكم
جملة بتئذيني
سمعتها ف مسجدي
فرِّت دموع عيني
يا مُرّ قلبي أنا
من خشيتك ربنا
لما بعدنا كتير
عن صولجان شرعنا
وفتينا من غير علم
أهملنا ف كتابنا
قطعنا وصل الحب
وجافينا أحبابنا
حللنا كل بغيض
حرّمنا ف حلالنا
تحت ادِّعاء إننا
متحضرين وكيوت
بغشاوة على سمعنا
ونسينا يوم هانموت
مستحليين كلنا
أفعالنا ما توبنا
بما إن إنت إله
صاحب جلال ملكوت
بعتت يوم إنذار
لتوبتنا هِمنا سكوت
ولإن كل حبيب
يحزن على أحبابه
قفلت باب بيتك
حرمتنا رحابه
وحياة جلال عزتك
وصفاتك العليا
احمل قوام كربنا
توبنا إليك توبنا
بُعدك كوى قلبنا
صار الفؤاد مكبوت
.
التعليقات مغلقة.