“صباح الخير”بالعاميه بقلم د. هبة صبحى البدوى
سلام على كل الطيبين
صباح الخير على الدنيا
على الصاحين وع النايمين
بذكر المولى نبدأ يومنا
وبصلاة ع الحبيب الزين
ونمشى نكمل المشوار
نجمع فى القلوب الحلوة حوالينا
وقلبنا يطرد الأشرار
ونمشى نكمل المشوار
وننسج درعنا الستار
بدعوات من حبايبنا
يجينا الخير…
يجرى بالمشوار…..
وأنا ماشيه… أقول.. أشعار
وأسبح… وأحمد المولى
واوزع ع البشر…… أزهار
صباح الورد ع الدنيا
على قلوب كلها أنوار
أجمع عقدى من كريم الاحجار
بس……………… كريمها الأحجار
مليش انا فى القلوب السودا
فى الخلق يااااا مكتر الألوان
إشى بيضا وإشى خضرا
وفي ناس قلبها بستاااان
روايح تشتيهها النفس
تقول الجنه جات فى الارض
من كتر الجمال… ما يباااان
كريم يا رب سبحانك
واحلى الرزق فى الدنيا حبايب
………….. قلبهم صافى
سيرتها…. تعطر الأكوان
بتصحا تسبح المولى
وتقطف فاكهة الدنيا
توزعها على ال… غلبان
توزع بسمه فى وشوشها
تزيدها بشاشه
يوسع رزقها…. الرحمن
واللى وشوشها معقوده
بعيد عنا يا رب بعيد
صباح الفل ع الحلوين
ويلا…… على الوحشين كمان
التعليقات مغلقة.