“قول يارب “بقلم سولافا بسيوني.
من جوايا
بقول يارب
من غير ما
يرددها لساني.
وأفضل أكرر
فيها وأعيد
وحروفها
بالخير ملياني
لما بقولها
بتريحني
وتطمن قلبي
وكياني.
فيها محبة
لوجه الله
فيها مودة
وفيها حياة
بيها بتهرب
مني الأه
تسكن روحي
ولو لثواني.
وأرجع اقولها
كمان من تاني
كلمة بيزيد
بيها إيماني
بلجأ بيها
لنبع أماني
للي صورني
وخلاني أذكر
اسمه وأقول
يارب
بلقاه جنبي
وف وجداني.
وبكررها
وأقول من
تاني بذكرها
ف دعوة
مرفوعة.
وأنا مرتاحة
وانا موجوعة.
و ف كل
أوان دايما
اقولها
تقبلها مني
وتسمعها
بصوت جواني.
نبض القلب
معاه بيعاني.
بتكون طالعة
ف قلب الليل
أو ف أيات
ذكر وترتيل
مش محتاجه
مني دليل
على حبي
لربي وإيماني.
قول يارب
قول عليها
تحلى الدنيا
وتنعم فيها
ذكر الله
هو الدايم
دا ربيع
بينور لياليها.
(بس قول يااااااااااااارب)
التعليقات مغلقة.