رسائل ربانية… حنان العشماوي
كل الامور ستنتهي بإذن الله الي خير
هكذا نوقن من الداخل وعبر الازمان
تختلف طريقة التعبير باختلاف اللغات
ربما
لكن المضمون واحد وإن اختلف اللسان الناطق بها
أوعى تخاف
طول ما انا جنبك ومعاك اطمن
ما فيش حاجة تقلقك أبدا
استحمل …… أخرة صبرك سعادة وراحة قلب
أوعى تقول أنا لوحدي أنت عمرك ما كنت لوحدك ولا أبداً هتكون
آمال أنا رحت فين
كلها عبارات بيقولوها الاب والام لأولادهم
ومن قبلهم حفرها رب الكون من فوق سبع سماوات
بداخل قلوب عباده المؤمنين وأشهدهم عليها
من قبل ميلادهم
يمكن ساعات من الضعف الإنساني بننسى
بس الأكيد اننا في أشد لحظات الضعف
تتجلى أمام الروح معنى تلك العبارات المحفور
في صورة رسائل ربانية
تصلنا بأشكال مختلفة و متعددة
أصدقاء هم سند ، دعوات من أحبة ، فرج بعد ضيق…………
أبدا لا تنتهى رسائل ربنا بالحفظ والفتوح
بكرة الجاى احلى بإذن الله
سعدت باللقاء
التعليقات مغلقة.