جرح بجرح …
بقلم مدحت رياض
إنت بديتي وجرحك علم
قلبي عنيد رافض يتعلم
كنت بحاول دايما أقرب
دمع العين أوقات يتكلم
وإنت بعدتي بكل غرورك
فاكرة الدمع ده صعب يزورك
أهو جه اليوم والحال اتبدل
في الأحزان أهو جالك دورك
كدبك أصلا أصبح عادة
والأعذار باهتة ومتعادة
كل ما كنت أتعذب اكتر
قلبك يبعد وبيتمادى
وسط النار زودتي جراحي
فاكرة دموعي تمن ترتاحي
طيب أهي عيوني بتضحك
وانت
دمعك وسط الليل أهو صاحي
إيه ؟؟موش سامع عيدي كلامك
ندمي ده أبعد من أحلامك
وإن جه حد في مرة ولامك
قولي إن أنا غلطة في أيامك
مهما هتشكي خلاص موش سامع
بحلف بيكي خلاص موش راجع
يا ما شريت بسنيني عيونك
والمرة دي تعبت وبايع
التعليقات مغلقة.