ما تدقوش الهون
أسـمـاء الـبـيـطـار
العلم اتقدم .. جدا
طيب ايه اخبار العقول .. لا و الله لسه شويه
لحد دلوقتي لسه في ناس بتزعل لما تعرف إن اللي جاي بنت !!
لما تقولها مبروك .. تقولك على ايه .
لما تبارك لها في التليفون .. تسمع نبرة حزنها !!
لسه ناس ممكن تخلى ابنها يتجوز مُجرد إن مراته حامل في بنت !!
لسه في ناس تفضل تخلف مش مهم كام لحد ما تجيب الولد !!
لسه ناس بتعاير ناس إن خلفتها بنات !!
لسه ناس بتبكي لما تعرف إن مرات ابنها جابت بنت !!
مشكلة غريبة ممكن بيت يتهد علشانها
و لو ما تهدش بتفضل الأم في حالة ذل من اهل الزوج عجيبة .
و كتير بستغرب لما اهل البنت نفسهم بيزعلوا لما تكون خلفة بنتهم بنات .
مالها البنات يا جماعة ؟؟
البنت مش كمالة عدد ..
بتتعلم و بتشتغل و تقريباً معظم البيوت
في الوقت اللي إحنا فيه ده في الظروف دي قايم على اكتافها.
في ستات زوجها اتجوز أو توفي .. و ما سابتش اولادها
بالبلدي كده .. بنقول اتكفت عليهم .
في بنات ما رضيتش تتجوز علشان ما تتركش ابوها أو امها في العُمر ده لوحدهم .
في بنت اتكفت على اخواتها لحد ما اتجوزوا و هي فضلت زي ما هي .
و قبل ما اختم ..
الناس اللي جايبة بنات وولاد
عاملوا الاتنين بما يُرضي الله
الله يكرمكم .
التعليقات مغلقة.