لمن يهمه الأمر…سامح لطف الله
كل البشر ضدي
وابني كمان بياع
الثغرة جوة ف قلبي
والضرس عض صباع
دم الولاد مش مية
دم الولاد حراق
سيح جمود الصدا
وامسك لجام الإيد
فتش عن العربدة
واعقل لمين هتفيد؟
لم الرؤوس هزها
واعرف سككها لفين
النار دي من عندنا؟
ولاّ الدسيسة منين؟
تطببع وغير ملتزم
خلف الضهور حوارات
لا عمر يوم اتنسى
عايزينها نيل لفرات
ولعت ليك لمبتي
إياك ولوي دراع
التعليقات مغلقة.