بعد اذنك …جيهان النجار

تسمح لي بعد أذنك أسهر أفكر
فى جنابك كل يوم
عايزة لما اصحي
اقوم
القي نفسي عايزة
أنام
لاجل يجي الليل ونسهر
يكتمل باقي
الكلام

نحكي مره ع اللي حاصل
واللي لسه مستخبي
ويا كاستين شاي
نواصل

ارمي جوة ضلوعي
سرك
حط قلبي جوه
قلبك
يجري سري ف
عروقك
يلا نِسهر يلا نسكر
حط جوه العمر سكر
يلا فكر يلا قرر
بعد اذنك
قول موافق .. قول ولمح
دي الحياه من قبل ما اسمح
كات بطعم المر واكتر

يا اللي صورتك جوه قلبي كالهلال
بس كملت لما قلبي قال ومال
أصبحت صورتك نهار