أبا العمده “مولانا” زين ممدوح
يابا العمدة يابا العمده
مالك ياوله يا مرزوق
الإعلام النص كم شكلهم كده قلبوا على مولانا
متخافش يا وله على مولانا. يا جبل ما يهزك ريح
وهم ولا الرفضى دول عايزين إيه
قال إيه يا عمده ماسكين فى نفمة تجديد الخطاب الديني
طب ما يقولوا لنا بسلامتهم ازاى يكون الخطاب الديني خلينا نتعلم من علمهم الوفير الغزير
_ يا عمده دول ما عندهم غير الجعجعة
نفسى أعرف يا وله نغير لهم الخطاب ازاى
متعرفش يا وله نغير لهم الخطاب ازاى
تلاقيهم يا عمده عايزين الخطيب أول ما يطلع المنبر
يلف وشه لهم ويقول لهم هاى، ازيكم يا شباب عامين إيه
موضوع الخطبة اليوم بطء الانترنت وأثره على الأسرة
وربع ساعة تعدى ويالا أولاد قيموا الصلاة !
الله يجازى شيطانكم يا مرزوق
أنا عارف إنك بتحب مولانا وانت مش لوحدك
مولانا بيمثل مؤسسة كبيرة ودى هوية أمه وبلد
والعمل يا عمده
_دع الكلاب تعوى يا وله !!
التعليقات مغلقة.