حضرة جناب الكوماندا…سامح لطف الله
لحضرة جناب الكوماندا الهمام
سليل الديابة رفيع المقام
بإسم الغلابة اللى جاعوا سعادتك
بإيد الغيلان اللى لازقة ف سيادتك
وقبل ما نبدأ فى عمق الكلام
نسمع صلاة النبى …علية الصلاة وافضل سلام
عماد طنطاوي
لحضرة جناب الكوماندا الهمام
مشينا كتير
ولا مشينا
وتاهت منا خطاوينا
فى وسط الزحمة والاحلام
و زرعنا التين فى اراضينا
جنينا الشوك مع العلقم
واتباعنا وحتى ما عرفنا
باعونا بكام
حضرة جناب الكومندا الهمام
طارق حسن
هنغسل إيدينا ونغسل دماغنا
ونسمع كلامك كلامك كلام
نشفي المشغت ونرمي السمين
وجذر المعادلة يدوبك كلامك
كأنك مغني ونسمع في مغنى
نقلب كلامك وتقلب دماغنا
هتوفي بنصه بربعه بعشره؟
ما قبلك قالولنا وبعنا مساغنا
وقالوا يا فقري هَتِغْنى هَتِغْنى
وقعنا وضعنا وجابوا ف داغنا
يا حضرة جناب الكوماندا الهمام
التعليقات مغلقة.