إيه جرالك يا أُمة… سيد حجازي
إيه جرالك يا أُمة
ليه كترت بلاويكي
وغمة بعد الغمة ولعبت الذئاب فيكي
بقيتي زي القهوه
من غير وش يحميكي
ودوله بعدها دوله
تسقط من حكاويكي
عراق وسوريا ويمن
وليبيا ايه جرا ليكي
والقدس بقى ملحمة
بس في غناويكي
يا أمه ليه ملطشه
لكل صهيوني
اموت ولا تشوف عيوني
بنتك تتسحل فيكي
بقينا لعبة ف ادين
الغرب ال بيضحكو
عالخاين فيكي
يا أمه جوبي رديني
هل ماتو الرجال فيكي
واخر كلامي
الله قادر بعد الموت يحيكي
وحسبي الله في كل خاين فيكي
التعليقات مغلقة.