الوطن هو إللى باقى… بقلم أحمد شاهين
علمونا من إبتدائى
الإحترام هو إللى باقى
يعنى توقير الكبير
إللى أكبر منى سنأ
اقدره واحترمه جدأ
وادعى إنه يكون بخير
من طفولتى بقول يا عم
للى أكتر منى فهم
حتى لو إنسان ضرير
علمونا من الطفوله
واحنا لسه فى سنه اولى
إننا نحيى العلم
وبهتافنا تحيا مصر
ألف صوره وهى أصل
للوجود منذ القدم
علمونى أعشق ترابها
أرضها أه ولون سحابها
وانسى وياها الألم
علمونا وبصراحه
إنها للكون دا واحة
مهما هتعدى العصور
علمونى أعشقها عشق
وبأمانه وكل صدق
هى جوا القلب نور
علمونا إن المشاعر
نبته خضرا فى قلب شاعر
ترتوى بحب الوطن
ع الحدود واقفين وﻻدها
يحرسوها دول جنودها
م الأعادى وم الفتن
وأى جندى راح فى سينا
مات وياما عليه بكينا
عند ربه ليه سكن
علمونا كتير دروس
الرضا دا دوا النفوس
لما ترضى تعيش سعيد
إسعى ع الرزق الحﻻل
دا الغنى مش كتر مال
والتكافل إبد فى إيد
علمونى من إبتدائى
إنى لما أموت فدائى
يتولد مليون شهيد
علمونا من إبتدائى
إننا ﻻزم نموت
والوطن هو إللى باقى
الوطن
هو
إللى
باقى.
كلمات / أحمد شاهين
6 / 5 / 20 20
التعليقات مغلقة.