كفافي الصبر
معوض حلمى
…………………………………….
أنا قبل مامشي الخطوه باحسبها ،
وروحي تايهه في زحمة المشاوير
وانا كل مامشي باطير ،
الشوف شايفنا سراب ،
يمكن ..
يمكن بقينا اغراب
مالت كفافي الصبر مابتوزنش،
مين اللي قال الحزن مابيكملش
والدمعه شقه الخد زي الغول،
والهم مالي الأرض عرض وطول
عايزني أقولها ع الأرغول
وليه شيطان الشعر مس وداني
قفل بيبان الفكر ولا عداني
لاقال صباح الخير ولاحتى مساني
ولاساب نداه يروي ع السطور خسي
وليه ياعم تعيب على نصي
تكونش قابض تمن وعليا متوصي
وبرغم ذلك كلمتي حره
يمكن تدوق حدقها تطلع ياواد مره
لكن مرار الحق بيحلي الزاد
والكدب سلعه رخيصه ماليه مزاد
وإيه اللي زاد ع الدنيا بعد نزولنا م الجنه
لاخدنا منها العبر ولا اتعدل حالنا
لمين هانكتب شعر وحروفنا حيرانه
معروضه للشاري جوا الكتب دواوين
والشاري مش فاهم دا بيقرا بالضالين
ضلل عقولنا الشات والنت غيبنا
في إيدينا أيفونات وف حضننا تابنا
عايشين كدا عيله لكن بدون إحساس
وبقينا بالتيله نرمي السلام ع الناس
بقينا زي شتات متبعترين في الخلا
قفلنا بيت الصلا بالضبه والترباس
قفلنا باب الصلا بالضبه والترباس
………………………………………..
بقلمي الفلاح الفصيح
معوض حلمي
منشأة بطاش
تمي الأمديد
دقهلية
التعليقات مغلقة.