قلم مخنوق …علي قاسم – مصر
قلم مخنوق من المخلوق
عايش مخنوع
إن أكل قالوا مفجوع
وإن عطس خد بالك
من الموضوع
لتروح غابه
بلاها رجوع
لتخش الخنكه
تقوم مصروع
يا ناس أنا قلم وليا دموع
ع ورقي
ع كتبي
ع شجري
ع صدري
كاتب موضوع
راسم مشروع
حَالم بسطوع
مين يقرا ومين يسمع ومين يشعر
يوم ما بجوع ؟
قلم مخنوق من المخلوق
عايش مخنوع
سيبوه يحكي
سيبوه يشكي
سيبوه يبكي
ويملى ربوع
يمكن في يوم يصحى
يلاقي شموع
تضىء ليله طوال لأسبوع
ويلاقي الدنيا فرحانه
وشايله سبوع
والكل بيهاتي بصوت مسموع
الليله عيد ميلاد قلم
كان مخنوع
كان مخدوع
فك قيود
وبيغني في كل ربوع
قلم مخنوق من المخلوق
عايش مخنوع
التعليقات مغلقة.