إوعى تبكي
قلم/سولافا بسيونى
ضم قلبك
وأحضنه
ولملم فيه
كل الجراح.
إوعى تبكي
في يوم
وتحزن ع اللي
عدى وع اللي
راح.
ليه بتستسلم
لضعفك وتخنق
جواك البراح.
شيل همومك
جوى ركن في
زاوية ضلمة.
وإغسل أيامك
وعيدها بصورة
تانية.
أصلها دنيا
وفانية.
لو ساعات
الحزن كترت
دوق الفرح
لو لثانية.
داوي قلبك
وبإيديك إوعى
تستنى أما حد
ييجي ويطبطب
عليك.
عيش حياتك
ورجع لها
طعم الأماني.
إنت بس هتقتل
ضعفك لو
تعاني.
خلي حزنك
يبقى ذكري،
بدله في بالك
بفكرة بص
بعيونك لبكره ،
تلقي فجر جاي
يشرح القلب
في ثواني.
إمشي الطريق
وإتحمله دا يا
دوب لسه
في أوله
حلمك بإيدك
شكله هتكمله
لو بيبان العتمه
طفت كل نور
ممكن بعينك
ترسمه.
تلقى طاقة
من الأمل
ضيها للحلم
باني.
وضحكتك
ضحكة فرح
بيها يبقى
الحزن فاني.
التعليقات مغلقة.