منسي أسد سيناء …بقلم مدحت رياض
أغرب حاجة إن أنت بتضحك
وأنت مقابل لحظة موت
هان علي نفسك كل الدنيا
بعت حياتك برضه في ثانية
بس شريت أطفال وبيوت
دمعة امك تاج علي راسنا
موش لحظات تأثير وتفوت
مصر امانة انت معليها
غنوة بدمك بتغنيها
لما الروح بتهون تديها
وصلت كل الكون معانيها
صرخة قلب بعلو الصوت
ايوة اديت امثال لرجولة
كل حياتك كات في بطولة
واما طلبت شهادة في سينا
ربك كان سامع للصوت
جنبك كان م الجيش رجالة
ايوة وحوش موش بس قوالة
واللي بيدي حياته لبلده
عمره في قلب الناس ما يموت
التعليقات مغلقة.