ليا فيها بقلمي بنت مصر سولافا بسيوني
بنت مصر
وليا فيها
وعيوني
دايما عليها.
جديلة بين
ضفايرها.
ونجمة ليل
بسايرها.
حورية وقاعدة
على نيلها.
غيمة وهلت
بشايرها.
وضلة جايه
تتمختر.
أنا كل دول
كمان وأكتر.
بجيلها ونوري
بيلالي.
تندهلي وتقولي
تعالي.
قمرليلها
يقوم فرحان.
يجبلي ضيه
ويقرب.
وكأنه بيا
بيرحب.
وأشوف ضلي
على المية.
ونسمة فيها
حنية.
وصوت الموجة
جاي ليا.
بيخطف روحي
وأتأثر.
دا إحساسي
كمان وأكتر.
ولا بنقص
ولا بكتر.
شعوري بحكيه
بصراحة.
وفيه بحس
بالراحة.
دي شمعة ف
ليلي وضاحة.
وحبى كل
يوم يكبر.
وعمري عنها
ما أتأخر.
دى أمي
بروحي أفديها.
و بضي العين
أراعيها.
بشتاق لها في
ليلة شتا.
ونهار ربيعها
اللي أتى.
ورياح ف
الخريف بتزوم.
وشمس الصيف
شعاعها يدوم.
وناس بتعوم
و أنا سارحه.
وفرحتي م
الشوق طارحه.
ودايبة ف
كل معانيها.
أنا بنت مصر
و ليا فيها.
التعليقات مغلقة.