افرح بالعيد
جمال زكى عينر
بيقولوا العيد عيد لصحابه
طب ما احنا اصحابه واهله كمان
من بدري وواقفين على بابه
بنغني بشوق لهلاله يبان
سيبك م الهم وعيش فرحه
سيبك م الأيام الجارحه
عيش عيدك وافرح بحبايبك
خلي الأحلام شجرة وطارحه
افرح بالعيد صلي وكبر
ربك وياك اوعى تفكر
ما تقولش كبرنا خلاص ع العيد
العيد مافيهوش اصغر واكبر
العيد بيجينا م العام للعام
في ثواني يعدي تلت ايام
راح نفرح بيه مع حبايبنا
ونقول له يا عيد بعوده الايام
بقلمي الشاعر جمال زكي عينر
التعليقات مغلقة.