سيناء غاليه كتير علينا بقلم /الشاعرة نعايم النجار شمال سيناء.. مصر
سيناء غاليه كتير علينا
مهما يعملوا فينا مش هنسيبك يا سيناء
ياما فيكي تعبنا
ياما فيكي قسينا
واليوم دا واجبنا
نحمي حدودك يا سيناء
ياما على شطك لعبنا
وقت جميل قضينا
ومع حبايبنا.. أكلنا
وشربنا
حلفين ولادك لازم يحموا بلادك
أسود على حدودك
حراس على بابك
حلفين بالقدم يهزوا أعتابك
سيناء غاليه كتير علينا
مهما يعملوا فينا
مش هنسيبك يا سيناء
لو يوم حد يجي منك يطلعنا
كلام تهريج والله ماليه معنى
جاهل مش عارفنا
دا إحنا أولاد الفراعنة
اللي ما حد غلبنا
لا فتن هتفرقنا
ولا حد هيقدر علينا
العمر نردد أناشيدك
أقفي وإعطيني إيدك
ماحد راح يفيدك
إلا إبنك حبيبك
يا جنة الأرض إبتينك
دمى فدا طينك
سيناء غاليه كتير علينا
مهما يعملوا فينا مش هنسيبك ياسيناء
ياما إدينا دروس، دروس وكان لها معنى
وعملنا بالدم محبرة وكتبنا
حلفين مانسيبك
نموت في بيوتك
ونموت في أراضينا
وتعيشي ياغاليه تعيشي يا سيناء
سيناء غاليه كتير علينا
مهما يعملوا فينا
مش هنسيبك يا سيناء
.
التعليقات مغلقة.