الحوالة
سامح لطف الله
بيقولولي قال تعالى
هز طوله بعت حوالة
حط فيها المليمين
هيجيبوا إيه هيكفوا مين
الجنيه يا حسرة مات
شيعوه من دهر فات
ثورة كانت يوم تلات
واللي نصبح فيه نبات
قال يدوب العيش وحاف
قصروا طول اللحاف
المخبي طل بان
ايه هتاخد من جعان
لما يبعتلك حوالة
الفضايح واتس فيس
مش هنشبع م القوالة
ربنا عالم بحالي
الحدادي مش هترمي
جوة بقك جوز فراخ
شمة واحدة وقالوا داخ
والحرارة زايدة حبة
حتي انتوا يا أطبة
مين يفضلكوا السرير؟
لسه مشبعناش قوالة
هات كمامة للحوالة
النافوخ قرب يطير
سامح لطف الله
التعليقات مغلقة.